Admin Admin
عدد المساهمات : 739 تاريخ التسجيل : 27/01/2008 العمر : 124
| موضوع: قصيدة المرسم الأحد 21 فبراير 2010 - 19:21 | |
| المرسم
ما دريت أنا نشوف هذاك المرسم غير داني بهدايتو عالي لقدار صبت القرية خلات و السور تهدم و الغرس ذبال ما بقى ف الأرض خبار جلست نستحضر لرسام وبقيت نخمم و تفكر خاطري محمد المختار جالس حتى بقيت وحدي نتكلم يا ذ القرية علاش وليتي قفار كنتي من ضاري مشهره كيما يلزم بنيان حصين و لغنايم بالقنطار بيوتك ضاوية و غاشيك منعم شحال فرح و الندايه و التقصار سورك عالي و بنيان منظم مرحبا دار و الجنانات و الأنهار مياهك سايحين وجنانك ناعم كروم التين و النخل مغروس سطار خيرات النخل و شحال نعايم سنين ملاح كلهم غلة و ثمار أرض مثل لهوير روحها هايم الأرض خضرا و السما يغزر بامطار و ذوك الزوج كيفهم كي لحمايم ف الزين خيار و البها يخطف لبصار كي راني نشوف ف ملك و عرايم ما رات العين كيفهم ف الزين انظار زينات مشهرات في قدة و صمايم لعشيق اللي يشوفهم منهم يحتار نسا و رجال كل منهم تتكلم و يقيس الغير منهم شبوب وكبار راني وليت من هواهم متذمم الناس تكون هانية و انا محتار الليل و ما طوال و انايا ننظم نحكي للناس شرح همي في الأشعار يا ذ القرية علاش بنيانك نهدم بعد الشهرة اليوم وليتي قفار وين اللي كان فيك بكري ينعم عايش ف الخير ما ادرى للهم اخبار ما يتعب ما يشوف مونة بالهم سنين الخير و الفلايح و النوار صغار غير خاوتي و اولاد العم نقرو لسوار ف الجوامع كل نهار و انا صبي ما نعرفش الهم ما نحسبش صديق يضحى لي غدار وثرن ليام تنقلب يا بو نادم و الهم يزول و الحلو يرجع بمرار الفلك يدور و السوايع تتبرم الفقر يزول و الحلو يرجع بمرار الدنيا فانية و تايقها نادم ما يدوم إلا وجه مولانا القهار ما دريت أنا نشوف هذاك المرسم غير داني بهدايتو عالي لقدار | |
|